Cilat vende të Ballkanit Perëndimor synojnë që të vendosin taksën e karbonit?
19 Maj, 2022
Shumica e vendeve të Ballkanit Perëndimor, përkatësisht Bosnja dhe Hercegovina, Mali i Zi dhe Maqedonia e Veriut, kanë ndërmarrë hapat e parë të prekshëm për të futur taksimin e dioksidit të karbonit (CO2), në mënyrë që të përshpejtohet dekarbonizimi, por edhe për të shmangur pagesën e taksës së karbonit të Bashkimit Evropian (BE) mbi importet, të cilën blloku planifikon ta vendosë nga viti 2026.
Lajmin e ka bërë të ditur balkangreenenergyneës, ku është shkruar se Serbia dhe Kosova aktualisht kanë mbetur prapa.
Taksa më e lartë e karbonit në botë është 133.26$ ndërsa më e ulëta është 0.008$
Tërnava: Taksa e karbonit do të dyfishojë çmimin e rrymës elektrike
Pozsgai nga Komuniteti i Energjisë kërkon hartimin e sa më të shpejtë të çmimit të karbonit
Ndërmarrja e energjisë Elektroprivreda Bosne i Hercegovine (EPBiH) prezantoi çmimet e brendshme të karbonit në janar 2021. Fondet ruhen në një fond të veçantë, i cili vitin e kaluar përmbante 10 milionë euro.
Senad Salkić, drejtori për projekte kapitale i EPBiH, tha se paratë janë të dedikuara vetëm për investime në burime të ripërtëritshme.
Autoritetet e BiH kanë përgatitur një kornizë ligjore për të prezantuar taksën e karbonit nga 2026, tha ai në një takim të quajtur CBAM – Pykë ndarëse apo katalizator për Komunitetin e Energjisë?, organizuar nga Komuniteti i Energjisë.
Mali i Zi ka bërë më së shumti për të prezantuar tatimin e CO2 në 2020
Çmimi i brendshëm i CO2 u njoftua edhe nga njësia energjetike e Maqedonisë së Veriut Elektrani na Severna Makedonija (ESM) vitin e kaluar, ndërsa ministri i saj i Mjedisit dhe Planifikimit Hapësinor Naser Nuredini tha në takim se vendi do të prezantojë gjithashtu taksimin e CO2.
Mirëpo, lideri në rajon është Mali i Zi, i cili ka vendosur taksimin e CO2 në 2020 në vijë me rregullat e Sistemit të Tregtimit të Emetimeve të Bashkimit Evropian (EU ETS).
Vendet e Ballkanit Perëndimor janë nën presion për të futur çmimin e karbonit, pjesërisht për shkak të Mekanizmit të Rregullimit të Kufirit të Karbonit (CBAM), të cilin BE planifikon ta përdorë nga viti 2026 për importet e çimentos, hekurit, çelikut, plehrave, aluminit dhe energjisë elektrike nga vendet. pa taksë karboni.
Salkiq: Taksa kufitare e karbonit e BE-së do të ndikojë në të gjithë ekonominë e BiH
Senad Salkić i EPBiH ka theksuar se CBAM do të kishte një ndikim të madh në të gjithë ekonominë e BiH duke marrë parasysh se 72% e eksportit të vendit përfundon në tregjet e BE.
Salkić sqaroi se BiH ka nënshkruar një memorandum të mirëkuptimit majin e vitit të kaluar për të prezantuar EU ETS si pejsë e Planit Kombëtar për Energji dhe Klim (NECP) nga viti 2026.
Qëllimi është për të përdorur mekanizmin për të dekarbonizuar sektorin e energjisë, dhe EPBiH, deri në 2040.
Tutje, ai ka shtuar se Këshilli i Ministrave i BiH ka përgatitur një kornzië ligjore për cmimin e karbonit.
Çmimi i brendshëm i karbonit u prezantua nga EPBiH në 2021
Sipas Salkić, taksimi i CO2 do të përmirësonte gjithashtu pozicionin e EPBiH në biznesin e eksportit të energjisë elektrike.
Salkiq theksoi se kompania prezantoi çmimin e brendshëm të CO2 nga janari 2021 dhe menjëherë krijoi një fond special, i cili arriti në rreth 10 milionë euro vitin e kaluar. Fondet janë lënë mënjanë vetëm për investime në burime të rinovueshme, shpjegoi ai dhe shtoi se rreth 95% e emetimeve të kompanisë u taksuan brenda vitit të kaluar.
Nuredini: Maqedonia e Veriut do ta sjellë çmimin e saj të karbonit në përputhje me ETS të BE-së deri në vitin 2030
Në anën tjetër, Ministri i Mjedisit dhe Planifikimit Hapësinor i Maqedonisë së Veriut, Naser Nuredini, rikujtoi se kontributet e përcaktuara në nivel kombëtar (NDC) të vendit sipas Marrëveshjes së Parisit parashikojnë uljen e emetimeve me 51% deri në vitin 2030, ose 80% në krahasim me vitin 1990.
Maqedonia e Veriut po diversifikon burimet e saj të furnizimit, po investon në energji të ripërtëritshme, po përgatitet të ndërtojë një nga hidrocentralet më të mëdha në rajon – Çebren dhe po krijon kushte që kompanitë private të investojnë në energjinë e gjelbër, tha Nuredini.
