Vazhdon ende aplikimi për disbursim në FKEE
April 02, 2025

Fondi i Kosovës për Efiçiencë të Energjisë, FKEE, rikujton se fitueseit e skemës mbështetëse për masat e efiçiencës së energjisë mund të aplikojnë për kompenzimin monetar deri më 30 prill.
Të gjithë përfituesit e thirrjes së dytë “Zbatimi i Masave të Efiçiencës së Energjisë për Shtëpitë Individuale të Banimit”, që kanë kryer punimet dhe nuk kanë aplikuar ende, se duhet dorëzojnë dokumentet për disbursim deri me datën 30.04.2025.
Dokumentet e nevojshme për disbursim, të listuara më poshtë, duhet të dorëzohen në linkun https://disbursimi.fkee-rks.net/ ose në emailin [email protected]. Këto dokumente janë:
- Dëshmia e pagesës së faturës për kryerje të punimeve ose faturave (materiale dhe punëkryerje);
- Dëshmia e pagesës së Auditorit të Energjisë (faturë të rregullt dhe/ose transaksion bankar);
- Kopja e Para-Aprovimit me shtojcat;
- Raporti i Auditimit të Energjisë ;
- Kopja e Letërnjoftimit dhe konfirmimin nga banka me detajet e llogarisë bankare për përfituesin në emër të së cilit është Para-aprovimi
Për çdo paqartësi dhe për procesin ju lutemi kontaktoni në numrin 0800 222 70.
FKEE njofton se çdo aplikim pas datës 30.04.2025 nuk do të shqyrtohet.