SHBA: Arrinë vendin e tretë për kapacitetin e prodhimit të panleve solare
February 18, 2025
Shtetet e Bashkuara kanë arritur një moment historik, duke tejkaluar 50 GW të kapacitetit të prodhimit të moduleve për panele solare. Tani fabrika amerikane mund të prodhojnë mjaftueshëm për të përmbushur të gjithë kërkesën për energji diellore në Shtetet e Bashkuara.
Prodhimi i moduleve diellore është rritur pesëfish pas kalimit të politikave kritike federale të energjisë gjatë administratës së presidentit Biden. Si rezultat, Shtetet e Bashkuara janë tani prodhuesi i tretë më i madh i moduleve të paneleve solare në botë.
Sipas Panelit të Zinxhirit të Furnizimit të Shoqatës së Industrive të Energjisë Diellore (SEIA), kompanitë kanë njoftuar planet për 56 GW të prodhimit të ri të moduleve diellore në SHBA. Kjo arritje është një hap kritik drejt ndërtimit të një zinxhiri të furnizimit për industrinë e energjisë diellore me bazë në SHBA që i jep fund mbështetjes në shtetet e tjera dhe duke përforcuar fuqinë punëtore amerikane.
“Arritja e 50 GW të kapacitetit vendas të prodhimit është një dëshmi e asaj që mund të arrijmë me politika publike të qarta dhe miqësore ndaj bizneseve,” tha presidentja dhe CEO e SEIA Abigail Ross Hopper. “SHBA tani është prodhuesi i tretë më i madh i moduleve në botë për shkak të këtyre veprimeve politike. Ky moment historik jo vetëm që shënon progres për industrinë diellore, por përforcon rolin thelbësor që luajnë politikat e energjisë në ndërtimin e industrisë së prodhimit vendas, ku mbështeten punëtorët amerikanë dhe familjet e tyre.
Në vitin 2020, SEIA vendosi një objektiv për 50 GW të kapacitetit të prodhimit për panelet solre në SHBA deri në vitin 2030. Ky objektiv i guximshëm fokusohet në të gjitha nivelet e zinxhirit të furnizimit në industrin e paneleve, duke përfshirë modulet, qelizat, shufrat dhe vaferat, polisilikonin, gjurmuesit dhe invertorët.
Në atë kohë, kapaciteti në SHBA ishte vetëm 7 GW module, 41 tonë kapacitet të prodhimit të polisilikonit dhe disa prodhues të invertorëve.
/Clean Technica
