Marrëveshje historike, G7 do të mbyllë fabrikat e qymyrit deri në vitin 2035
30 Prill, 2024
Ministrat e G7 kanë rënë dakord të mbyllin të gjitha fabrikat e qymyrit deri në vitin 2035, tha një ministër i Mbretërisë së Bashkuar të hënën.
Vendosja e një date të fundit për qymyrin, minerali fosil më ndotës i klimës, ka qenë shumë i diskutueshëm në bisedimet ndërkombëtare për klimën. Japonia, e cila nxirrte 32% të energjisë elektrike nga qymyri në vitin 2023, sipas grupit të ekspertëve për klimën Ember, ka bllokuar përparimin në këtë çështje në takimet e kaluara të G7, sipas CNN.
“Ne kemi një marrëveshje për të hequr gradualisht qymyrin deri në vitin 2035,” tha Andrew Bowie, një ministër i Mbretërisë së Bashkuar në Departamentin për Sigurinë e Energjisë për CNBC në Torino, Itali.
“Kjo është një marrëveshje historike, diçka që ne nuk ishim në gjendje ta arrinim në COP28 në Dubai vitin e kaluar.”
“Pra, që vendet e G7 të vijnë rreth tryezës për t’i dërguar atë sinjal botës – që ne, ekonomitë e përparuara të botës jemi të përkushtuar për të hequr gradualisht qymyrin deri në fillim të viteve 2030 – është mjaft e pabesueshme.”
Departamenti Amerikan i Shtetit nuk pranoi të komentojë mbi marrëveshjen e G7. Javën e kaluar, Agjencia Amerikane e Mbrojtjes së Mjedisit njoftoi rregulla të reja që do të kërkojnë që termocentralet me qymyr ose të kapin pothuajse të gjithë ndotjen e tyre klimatike ose të mbyllen deri në vitin 2039.
Shumë nga vendet e tjera të G7 kanë tashmë plane për të hequr gradualisht karburantin fosil.
Lëndët djegëse fosile janë shkaktari kryesor i krizës klimatike. Pothuajse çdo vend në botë ranë dakord vitin e kaluar për t’u larguar nga karburantet fosile në bisedimet për klimën COP28 në Dubai, por dështimi për të vendosur një datë përfundimi për qymyrin u pa si një mangësi e këtyre negociatave.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
