Australia përsëri tejkalon rekordin për energji të ripërtëritshme, arrin pjesëmarrje prej 58.5 përqind në rrjet
09 Shtator, 2021
Australia ka parakaluar rekordin paraprak për pjesëmarrje të energjisë së ripërtëritshme në rrjetin e saj kryesor, duke arritur 58.3 përqind këtë të Enjte, duke vendosur një rekord të ri për pjesëmarrjen e energjisë së erës dhe solare në rrjet.
E rëndësishme të theksohet është se rekordi i ri, që parakalon rekordin e paraprak prej 57.3 përqind të vendosur pak ditë më parë, ka ndodhur gjatë mesjavës, gjë që duket e pazakontë pasiqë rekordet zakonisht vendosen në fundjavë për shkak të operimit më të vogël të industrive.
Në kohën e shënimit të rekordit, panelet solare të vendosura në çatitë e shtëpive ka kontribuar me 32.4 përqind të kërkesës totale me rreth 24GW, ndërsa parqet e erës kanë kontribuar me 12.9%, dhe panelet solare të shkallës së shërbimeve ishin përgjegjëse për rreth 10.8 përqind.
Ndërkaq, thëngjilli ka shënuar ulje në nën 40 përqind të pjesëmarrjes në prodhim, me thëngjillin e zi në Queensland dhe NSW që siguroi 29.4 përqind dhe thëngjillin e kafët në Viktoria me 10.4 përqind.
Operatori i Tregut të Energjisë në Australi beson që pjesëmarrja e BRE në rrjet do të arrijnë nivele “të castit” 100 përqind përgjatë ditës deri në vitin 2025.
Ndërkaq, kjo e fundit poashtu ka parashikuar që panelet solare në çati do të arrijnë 100 përqind të kërkesës në rrjetin e Australisë së Jugut gjatë pranverës së këtij viti, dhe tre të katërtat e kërkesës në të gjithë rrjetin kryesor brenda pesë viteve.
Energjia solare tejkalon qymyrin për herë të parë në Australi
