Studentët e KEDS Academy 11 fillojnë Internshipin

09 Shtator, 2024

Nëpër të gjitha distriktet dhe nëndistriktet e KEDS-it, studentët e KEDS Academy filluan Internshipin-praktikë profesionale-një mundësi unike që këta të kuptojnë më mirë se si funksionon në realitet gjithçka brenda kompanisë.

54 studentët e KEDS Academy, secili me nga një mentor, do të zhvillojnë aftësitë e tyre në përdorimin e mjeteve dhe mekanizmave, në analizë të të dhënave, në menaxhim të projekteve, në të gjitha njësitë e Operimit të Sistemit dhe në gjithçka që parashihet e nevojshme që teorinë e mësuar ta kuptojnë dhe ta përkthejnë në praktikë e në stazh.

Me përvojën e fituar nga ky program, studentët, përveçse do të mësojnë se si funksionohet brenda një ambienti të tillë profesional, atyre do t’u hapet edhe mundësia për të krijuar e kuptuar kulturën e punës.

Mbi të gjitha, ky Internship, i cili do të zgjasë deri më 31 dhjetor të këtij viti, u ndihmon atyre që të eksplorojnë interesat dhe preferencat e tyre në fushën e energjisë-të dobishme për mundësi të ardhshme në karrierën e tyre.