Zaev: Maqedonia e Veriut do të jetë e para në rajon me shumicën e energjisë nga BRE-të
02 Dhjetor, 2020
“Një nga fokuset më të mëdha në ekonominë tonë është energjia, dhe ne me të vërtetë kemi bërë shumë për këtë sektor’, tha Kryeministri i Maqedonisë së Veriut, Zoran Zaev, në hapjen e sotme të samitit ‘Maqedonia 2025.
‘Komuniteti Evropian i Energjisë për ne komentoi se ne jemi reformatorët më të mëdhenj në sektorin e energjisë, dhe kjo sepse kemi miratuar Ligjin që rregullon këtë fushë, kemi siguruar zbatimin praktik të ligjit në procedura shumë të shpejta’, shtoi ai, teksa sqaroi se qëllimi kryesor i Maqedonisë së Veriut është të mundësojë tranzicionin energjetik në një të ardhme të afërt.
Kryeministri sqaroi se vendi i tij ka reformuar procesin e ndërtimit të projekteve solare dhe të atyre me erë.
Maqedoni e Veriut: Zaev paralajmëroi projekte ambicioze në energjetikë dhe termocentral të ri me gaz
‘Është vendosur për projekte të reja fotovoltaike me kapacitet prej 62.5 megavatësh, të cilat janë në ndërtim e sipër, përmes partneritetit publiko-privat. Shteti ofroi vende të gatshme me lidhje të sigurta dhe nënstacione në mënyrë që investitorët të mund të investonin’, shtoi Kryeministri Zaev, duke informuar në lidhje me procedurën e përfunduar me sukses për instalimin e 100 megavatëve në Oslomej, dhe qëllimin për të qenë vendi i parë në rajon që prodhon shumicën e sasisë së kërkuar të energjisë së rinovueshme.
Gjithashtu, ndër të tjera, u përmendën planet për ndërtimin e një termocentrali me gaz në rajonin e Manastirit, ku është planifikuar të mbyllen termocentralet e qymyrit në kohë, si dhe investimet në interkonektorë me Greqinë, Bullgarinë, Kosovën, Serbinë si investime tjera serioze në sektorin e energjisë.
