Projekt-marrëveshja COP28 dështon të përfshijë “eliminimin” e karburanteve fosile

12 Dhjetor, 2023

Nikoqirët e samitit COP28 në Dubai prezantuan një projekt-marrëveshje të hënën që ndaloi së kërkuari për “përfundimin” e plotë të karburanteve fosile që emetojnë karbon – nxitësit kryesorë të ndryshimit të klimës – që shumë vende kanë kërkuar.

Drafti i marrëveshjes propozonte opsione që do të reduktonin prodhimin dhe konsumin e qymyrit, naftës dhe gazit natyror.

Në të njëjtën kohë, shkruesit e draftit të paraqitur nga Emiratet e Bashkuara Arabe, që mban presidencën e COP28, kishin hequr çdo përmendje të një “fazeout” që ishte përfshirë në një draft të mëparshëm.

“Presidenca COP28 ka qenë e qartë që në fillim për ambiciet tona. Ky tekst pasqyron ato ambicie dhe është një hap i madh përpara”, tha presidenca në një deklaratë, raporton DeutcheWelle në gjuhën angelze, transmeton Klankosova.tv.

Teksti i paraqitur të hënën sugjeroi se vendet “mund” të ulin emetimet duke “reduktuar konsumin dhe prodhimin e lëndëve djegëse fosile, në një mënyrë të drejtë, të rregullt dhe të barabartë, në mënyrë që të arrihet zero neto deri, para ose rreth vitit 2050”.

Ai bëri thirrje gjithashtu për trefishimin e kapacitetit të energjisë së rinovueshme deri në vitin 2030 dhe “uljen e shpejtë të qymyrit të pandërprerë”.

Sa i përket reduktimit të karbonit tashmë në atmosferë, draft-marrëveshja thoshte se teknologjitë e kapjes së karbonit duhet të rriten.

Presidenti i COP28 Sulltan Al Jaber u tha delegatëve se kishte ende “shumë për të bërë” për të finalizuar marrëveshjen.