Nagavci: Është pezulluar vendimi që ndalonte përdorimin e thëngjillit nëpër shkolla
16 Nëntor, 2022
Ministrja e Arsimit, Arbërie Nagavci, ka bërë të ditur se është pezulluar vendimi që ndalonte përdorimin e thëngjillit nëpër shkolla. Pra, tash shkollat e Kosovës mund të blejnë thëngjill për ngrohje gjatë sezonit të dimrit.
Duke raportuar në Komisionin për Arsim, ministrja Nagavci ka thënë se vendimi është pezulluar për shkak të situatës me energjinë elektrike.
E pezullimin e vendimit, e ka kundërshtuar nënkryetarja e Komisionit, Albena Reshitaj nga AAK, duke thënë se kjo çështje duhej të ishte në kuadër të ligjit, e jo thjesht një vendim, që sipas saj, jep mundësinë për pezullim.
