Apeli refuzon përfundimisht kërkesën për pezullim të përkohshëm të lejeve të Kelkos Energy
03 Qershor, 2021
Gjykata e Apelit ka refuzuar kërkesën për pezullimin e përkohshëm të lejeve të Kelkos Energy, të lëshuara nga Ministria e Mjedisit dhe Planifikimit Hapësinor dhe Zyra e Rregullatorit për Energji.
Me këtë vendim, Kelkos Energy do të vazhdojë prodhimin e energjisë elektrike përmes hidrocentraleve, ka konfirmuar Arianit Koci.
Gjykata Themelore, në shkurt të këtij viti kishte marrë vendim për pezullimin e punës së kompanisë “Kelkos Energy” sh.p.k. për tri hidrocentralet në Deçan.
Operimi i hidrocentraleve në Deçan është kundërshtuar në vazhdimësi nga pjesëtarë të komunitetit dhe shoqërisë civile për shkak të pretendimeve mbi dëmet mjedisore dhe procesin e licencimit.
Në një komunikatë të mëhershme për media, Pishtarët, organizata më aktive në mbrojtjen e lumenjëve në Kosovë, kishte thënë se kompania Kelkos nga Austria që ka ndërtuar hidrocentralet në Lumbardhin e Deçanit, nuk ka bërë rehabilitimet bazike pas përfundimit të fazes së ndërtimit.
