Mungesa e institucioneve shtynë industrinë e minierave në krizë – Prodhimi vendor zëvendësohet me importe nga Serbia
August 21, 2025
Shoqata e Gurthyeve dhe Betonjerkave, ka ngritur alarmin për gjendjen kritike të sektorit minerar në vend.
Sipas saj, më shumë se 100 kompani të licencuara po mbahen të bllokuara, ndërsa investime milionëshe dhe qindra vende pune janë në rrezik falimentimi.
Shoqata thekson se shkaktarët e kësaj gjendjeje janë mosfunksionimi i bordeve dhe departamenteve përkatëse në kombinim me ligjet e pakoordinuara ndërmjet institucioneve.
Ligjit të ri të vitit 2023 mbi 100 kompanive të licencuara janë bllokuar. Prej të cilave qindra lëndë janë mbetur pa trajtim në Bordin e Minierave;
Përveç vonesave të e pajustifikuara nga institucionet, bizneset e gurthyesve dhe benonjerkave përballen dhe me shtrenjtimin e energjisë elektrike, që sipas shoqatës është duke penguar prodhimin.
Si pasoj e kësaj situate në sektroin minierar, Kosova po importon sasi të mëdha zhavorri nga Serbia, ndërsa kompanitë vendore mbahen të bllokuara, gjë që dëmton industrinë vendore dhe rrezikon stabilitetin e sektorit ndërtimor, të hyrat e shtetit dhe vendet e punës.
Shoqata e Gurthyeve dhe Betonjerkave, që është pjesë e Lidhjes së Bizneseve të Kosovës, ka bërë thirrje të qartë për institucionet:
Formoni institucionet pa vonesa!
Harmonizoni ligjet dhe ndalni bllokadat!
Jepni mbështetje sektorit vendor për të shpëtuar vendet e punës dhe ekonominë e vendit!
Sipas Shoqatës, nëse nuk ndërmerren veprime të menjëhershme, pasojat për industrinë minerare dhe zhvillimin ekonomik të Kosovës do të jenë të pariparueshme.
/Telegrafi
