KOSTT nënshkruan marrëveshje bashkëpunimi me Operatorin e Sistemit dhe Transmisionit Slloven
22 Maj, 2023
Leximi i këtij artikulli zgjatë: 2 minuta
KOSTT ka nënshkruar Marrëveshje për Bashkëpunimit me ELES, Operatorin e Sistemit dhe Transmisionit Slloven.
Kjo marrëveshje ka për qëllim shkëmbimin e njohurive dhe promovimin e iniciativave të përbashkëta në fusha të ndryshme që lidhen me qeverisjen korporative, funksionimin e rrjetit, planifikimin, integrimin e tregut, dhe zhvillimin e kapaciteteve, thuhet në deklaratën e KOSTT.
Me këtë rast z. Zeqiri u shpreh ‘’Ne besojmë se kjo përvojë do të na sigurojë njohuritë dhe mjetet e nevojshme për të përmirësuar më tej operimet tona dhe për të forcuar partneritetin tonë ndërshtetëror, për të cilën dëshiroj të falënderoj z. Mervar dhe ekipin e tij për mikpritjen e ngrohtë si dhe profesionalizmin e jashtëzakonshëm të cilat janë për tu vlerësuar lartë. Vështrimet dhe përvojat e vlerave të ndara nga ekipi juaj do të na shërbejnë për të kuptuar edhe më tej sfidat dhe mundësitë me të cilat përballet sektori jonë’’.
