Duhet një teknologji e re për nxjerrjen e hidrogjenit nga Bulqiza, sipas ekspertëve
February 14, 2024
Gjetja e një fluksi tejet të madh të depozitave të hidrogjenit gjeologjik në minierën e Kromit në Bulqizë, që mund të përdoret si lëndë djegëse e pastër, i ka gëzuar jo pak studiuesit.
Mirëpo, një teknologji e re duhet zhvilluar për nxjerrjen e tij.
Kështu kanë thënë shkencëtarët dhe ekspertët rreth çështjes, siç raportin “Nature World News”, duke specifikuar se një teknologji e re nevojitet për të përfituar nga këto depozita tejet të larta të hidrogjenit.
Studimi i huaj: Depozita më e madhe në botë e gazit hidrogjen zbulohet në Shqipëri
Studiuesit besojnë se teknologjia e re është e nevojshme për të përfituar nga rezervuarë të tillë, në mënyrë që të thithin sasi masive të hidrogjenit në një sistem të pastër dhe me kosto efektive, duke ulur potencialisht varësinë nga karburantet me bazë karboni.
Depozitat natyrore të hidrogjenit, nëse janë të nxjerra dhe mjaft të mëdha, premtojnë si një burim energjie pa karbon.
“Ajo që e veçon zbulimin tonë është fluksi i madh i gazit pothuajse të pastër [hidrogjen] që kemi vëzhguar. Në kontekstin e tranzicionit të energjisë, gjetjet tona mund të ndikojnë ndjeshëm në kërkimin e vazhdueshëm për burime të reja energjetike,” tha studimi.
Hidrogjeni është një alternativë tërheqëse për lëndët djegëse fosile tradicionale, sepse mund të gjenerojë energji pa emetuar dioksid karboni si nënprodukt. Megjithatë, burimet natyrore të hidrogjenit janë të pakta dhe prodhimi i tij kërkon një sasi të konsiderueshme energjie.
Aktualisht, hidrogjeni mblidhet duke e kapur atë kur lëshohet gjatë nxjerrjes së gazit natyror, por mund të krijohet edhe përmes një sërë metodash, shumë prej të cilave lëshojnë gazra serë.
Sipas shkencëtarëve, miniera e kromit në Bulqizë prodhon një sasi të konsiderueshme gazi hidrogjeni.
Ky fluks i madh hidrogjeni ka shumë të ngjarë të jetë rezultat i akumulimit afatgjatë në një rezervuar me defekt. Rezervuari ndodhet brenda një pjese të kores dhe mantelit të Tokës, që fillimisht ishte në fund të oqeanit, por u gërvisht pasi pllaka tektonike mbi të cilën ishte hipur rrëshqiti nën një pllakë tjetër.
Pllaka e thërrmuar e kores dhe e mantelit u hodh në tokë midis 45 milion dhe 15 milion vjet më parë, duke formuar një brez shkëmbor prej 3 mijë kilometrash, të njohur si një ofiolit që shtrihet nga Turqia e sotme në Slloveni.
Hidrogjeni në Bulqizë, përfitime kolosale nga zbulimi i ri nëntokësor
Studiuesit e kryen këtë studim të ri në përgjigje të raporteve për vëllime të konsiderueshme të hidrogjenit, që depërtonin nëpër kanalet e ventilimit dhe zien në pishinat e kullimit të minierave, duke rezultuar në shpërthime të shumta.
Ata analizuan kullimin në pika të shumta në minierë dhe përdorën rezultatet për të përcaktuar sasinë e përgjithshme të hidrogjenit që rridhte – shifrat e tyre sugjeronin që afërsisht 200 tonë metrikë ikin nga miniera çdo vit, duke e bërë atë rrjedhën më të madhe natyrore të regjistruar ndonjëherë.
Zbulimi gjithashtu hedh dritë mbi rrethanat gjeologjike që mbajnë sasi të mëdha të hidrogjenit natyror nën tokë. Hidrogjeni nga miniera e Bulqizës ka shumë të ngjarë të jetë akumuluar në çarje tektonike midis dy blloqeve shkëmbore thellë brenda ofiolitit.
Ofioliti është një lloj brezi shkëmbor i prodhuar si rezultat i kësaj shtrirjeje tokësore. Disa ofiolite të tillë janë zbuluar në mbarë botën, shumica e të cilëve mendohet se përmbajnë rezervuarë hidrogjeni.
Rezervuari nën minierë mund të përmbajë deri në 50 mijë tonë metrikë hidrogjen, i cili do të ishte i mjaftueshëm për të ruajtur shkallën e lartë të rrjedhës për 238 vjet.
/Albanianpost
