Tesla dhe Samsung të interesuara për tenderin e baterive me kapacitet 150 megavat në Qipro

July 16, 2024

Në shtator, Qipro do të lansojë tenderin për përkrahjen e vendosjes dhe operimit me sisteme të baterive për ruajtjen e energjisë elektrike me kapacitet prej 150 megavatësh, kanë thënë nga Ministria e Energjisë, Tregtisë dhe Industrisë në Qipro.

Ata gjithashtu kanë thënë se Tesla dhe Samsun kanë shfaqur interesimin për të marrë pjesë në tender.

Ndryshe, strategjia kombëtare energjetike e Qipros synon edhe ndërtimin e një terminali të importit të gazit të lëngshëm natyror. Sipas Ministrisë, kjo do të zvogëlojë ndotjen për 35% – 40%.

Burimet e ripërtëritshme të energjisë dhe në veçanti ato fotovoltaike janë shtylla e dytë e strategjisë kombëtare. Kapacitetet solare në Qipro kanë arritur në 750 megavat por vetëm 19% e prodhimit arrinë në rrjet.

Duke qenë ndër vendet më së paku të ndërlidhura në BE, Qipro ka probleme të vazhdueshme me akomodimin e energjisë së tepërt të prodhuar.

Tenderi për bateritë për ruajtjen e energjisë elektrike tani po kalon në fazën e diskutimit publik, ndërsa pritet të publikohet në shtator.

Shtylla e tretë e strategjisë kombëtare përcakton edhe ndërtimin e një linje transmetimi me Greqinë që kalon në det.