Sërisht janë realizuar protesta në zyret e rregullatorit

April 04, 2025

Disa aktivistë të grupit “Asnjë cent më shumë” ditën e djeshme sërisht kanë protestuar tek zyret e ZRRE-së, por pa penguar hyrjen e punëtorëve të këtij institucioni në zyrë, raporton KosovaPress.

Kjo formë e protestës po zhvillohet si shprehje e pakënaqësisë ndaj rritjes së tarifave të rrymës prej 15%.

Megjithatë, tek zyret e Zyrës së Rregullatorit të Energjis ka pasur një presence të madhe të policës.

Edhe një ditë më parë, gjatë një aksioni simbolik të grupit “Asnjë cent me shumë” tek zyrat e ZRRE-së për kundërshtimin e shtrenjtimit të rrymës, ishin arrestuar 12 aktivitë të këtij grupi, ku më pas u konfirmua edhe lirimi i tyre nga policia, raporton KosovaPress.

Paralajmërimi për rritjen e çmimit të rrymës, ka ngjallur reagime të mëdha dhe pakënaqësi te qytetarët dhe bizneset. Këtë shtrenjtim e ka kund dhe presidenca, por deri tash Qeveria e Kosovës nuk ka kundërshtuar shtrenjtimin, përvec që ka kërkuar shtimin e numrit të blloqeve për konsumatorë.

Aktivisti, Dibran Hoxha tha se po kërkojnë një zotim nga kryetari Bodit të ZRRE-së, Ymer Fejzullahu “se nuk do të ketë shtrenjtim të rrymës”.

Hoxha, të paarsyeshme e konsideroi praninë e madhe te policisë së Kosovës.

“Nga Ministria e Ekonomisë, e deri te Qeveria e Ministria e Punëve të Brendshme janë quar përmes ZRRE me ia ruajtur fitimin KEDS-it në dëm të qytetarëve. Sot kanë ardhur 30-40 policë pa kurrfarë sensi ndaj 10-15 qytetarëve që protestojnë. Më 5 prill është një protestë, protesta të radhës do të organizohen që mos me lejua këtë shtrenjtim se kjo është barra e rëndë për secilin qytetarë. Qëllimi jonë nuk është me krye kurrfarë akti të agresionit, nuk e di këta kanë menduar se po bëjmë ndonjë akt terrorist ne jemi duke u shfrytëzuar të drejtat tona demokratike për me dal dhe me protestua”, tha ai.

Ai ka komentuar edhe deklaratat e ministres së Ekonomisë, dhe drejtuesve të ZRRE-së.

“Kur do me ia mbrojt interesin KEDS edhe i qet 30 policë edhe del kryeshefi i ZRRE-së thotë gjeni rrymën më lirë, edhe ministrja Rizvanolli thotë duhet me shtrenjtua se i kemi do hesape nuk ka kurfarë sensi qka po ndodh në shtetin tonë”, tha ai.

Për shkak të pakënaqësive, më 5 prill është paralajmëruar edhe një protestë në Prishtinë.

/kp