Rumania harton rregulloren për projektet agrisolare në sipërfaqet e kullotave

August 13, 2024

Sipas rregullores së re të Rumanisë, 20% e sipërfaqes së kullotave mund të mbulohet me panele diellore dhe pajisjet e tyre shoqëruese. Kjo rregullore e re është ende në fazën e diskutimit publik.

Ministria Rumune e Bujqësisë dhe Zhvillimit Rural ka përgatitur një metodologji për instalimet agrisolare në tokat e kullotave, duke synuar të balancojë aktivitetet bujqësore dhe prodhimin e energjisë. Këto impiante duhet të lejojnë kullotjen e bagëtive ose prodhimin e frutave dhe perimeve, pa rrezikuar aktivitetet bujqësore.

Sipas projektligjit, 20% e hapësirës prej 50 hektarësh mund të përdoret për prodhimin e energjisë, dhe kjo sipërfaqe duhet të ndryshojë zyrtarisht destinacionin në kadastër. Kontrolli i përputhshmërisë me ligjin do të kryhet një herë në vit nga drejtoritë bujqësore të vendit.

Ndryshe, ka kohë që në Shqipëri investitorët mund të kombinojnë prodhimin bujqësor me impiantet diellore në tokat e kategorive 7 dhe 8, ndërsa impiantet e tjera janë të lejuara vetëm në tokat me gradën më të ulët – 9 dhe 10.