Ministrja Rizvanolli sot diskuton me prishtinasit strategjinë e energjisë
23 Qershor, 2022
Në vazhdën e konsultimeve publike nëpër komunat e vendit për Strategjinë e Energjisë 2022-2031, Ministrja e Ekonomisë, Artane Rizvanolli me bashkëpunëtorë sot do të mbajë konsultime publike me qytetarët e Komunës së Prishtinës.
Konsultimet do të mbahen në Komunën e Prishtinës ku qytetarët e kësaj komune fillimisht do të njihen me objektivat, qëllimin dhe planet e strategjisë më pas do të kenë mundësi të diskutojnë me ministren dhe bashkëpunëtorët e saj për të dhënë komentet dhe kontributin e tyre.
Ministrja Rizvanolli, fton të gjithë qytetarët, profesionistët dhe përfaqësuesit e asamblesë komunale të Prishtinës për të diskutuar dhe për të dhënë kontributin e tyre rreth Strategjisë së Energjisë 2022-2031.
Takimi mbahet në:
Vendi: Ndërtesa e Komunës së Prishtinës, salla e Kuvendit Komunal
Data: 23.06.2022
Ora: 16.00 – 17.30
