Kovaçevski: Për shkak të subvencionimit të qeverisë, qytetarët paguajnë dyfish më pak rrymë se çmimi i tregut

December 25, 2023

Sipas kryeministrit të Maqedonisë së Veriut, Dimitar Kovaçevski, qytetarët e këtij vendi përfitojnë nga subvencionimi për energjinë elektrike, duke paguar cmim dyfish më të ulët se cmimi që do paguhej sikur të zbatohej cmimi i tregut.

“Shifrat tregojnë se çmimi i energjisë elektrike subvencionohet deri në 90 për qind. Qytetarët tanë paguajnë një çmim dyfish më të ulët se ai që do të paguanin nëse do të ishte çmim tregu, siç paguhet në Evropën Perëndimore”, tha kryeministri Dimitar Kovaçevski.

Kovaçevski për “Sloboden Peçat” shtoi se çmimi i subvencionuar i energjisë elektrike do të vazhdojë për 600 mijë për amvisëri dhe 70 mijë për ndërmarrje të vogla dhe të mesme.

“Si arritëm ta arrijmë këtë? Kjo është për shkak të dy faktorëve, i pari është se ne i kemi ngarkuar EMV-së të prodhojë më shumë energji. Kur të gjithë ishin skeptikë se kjo do të ndodhte, në muajt më të ftohtë të vitit të kaluar, duke përdorur teknologjinë e vjetër, punëtorët në TEC Manastir, Osllomej dhe Negotinë kanë prodhuar 45 për qind më shumë energji elektrike. Së dyti, ne e shfrytëzuam krizën si mundësi dhe instaluam burime të rinovueshme të energjisë në vend si kurrë më parë”, tha Kovaçevski.

Kryeministri tha se gjatë 11 viteve të qeverisjes së OBRM-PDUKM-së janë instaluar vetëm 11 megavat burime të ripërtëritshme, ndërsa tani për dy vite janë instaluar dhe vënë në rrjet mbi 600 megavat.