KOSTT nënshkruan kontratën për Nënstacioni e ri 220/35/10(20)kV në Malishevë
December 16, 2025
Operatori i tregut dhe rrjeti të transmisionit, KOSTT, njofton se është nënshkruar kontrata për ndërtimin e nënstacionit në Malishevë, element i cili do të shtoj kapacitet në këtë pjesë të rrejtit i cili është stërngarkuar për më shumë se një dekadë.
Kjo kontratë është nëshkruar të premten e kaluar më 12 dhjetor dhe parasheh zbatimin e projektit për ndërtimin e nënstacioni të ri 220/35/10(20) kV me Malishevë, me transformator 40 MVA dhe linjë kyçjeje 220 kV.
Projekti financohet nga KOSTT dhe ka një vlerë prej 6,763,766.04€.
Ky investim e lidh për herë të parë Malishevën me rrjetin 220 kV, duke i dhënë komunës kapacitete dukshëm më të larta dhe furnizim më të qëndrueshëm, krahas rrjetit ekzistues 35 kV.
Rrjeti i shpërndarjes së Malishevës dyfishohet në kapacitet – Nënstacioni i KOSTT ende i papërfunduar
“Për qytetarët dhe bizneset kjo nënkupton cilësi më të mirë të furnizimit, siguri më të lartë dhe bazë të fortë për zhvillim ekonomik. Në nivel sistemi, projekti rrit besueshmërinë e furnizimit, ul varësinë nga linjat e tensionit të mesëm, redukton humbjet dhe forcon sigurinë operacionale, duke kontribuar edhe në përmbushjen e kriterit N-1. Po ashtu, krijon kushte më të mira për integrimin e burimeve të ripërtëritshme të energjisë, në përputhje me objektivat afatgjata të sektorit energjetik.” thuhet në njoftimin e KOSTT.
Sipas operatorit afati i planifikuar i realizimit të projekteti nga nisja e punimeve është rreth 13 muaj.
