KEDS me investime edhe në Zllatar të Ferizajt

May 13, 2024

Një investim i dukshëm nga KEDS është bërë edhe për banorët e fshatit Zllatar të komunës së Ferizajt.

Zllatari, një fshat kodrinor dhe me pamje atraktive, është përfituesi radhës të investimeve nga KEDS-i.

Nuredin Bajrami, banor i këtij fshati, tash në pension, thotë së janë të kënaqur me punët që ka bërë KEDS në fshatin e tyre.

“Shtyllat i kena pas të vjetra përmbi 50 vjet dhe gjithë jena kanë në rrezik. Tash është rregullu dhe për gjithë jetën skena me pas probleme. Kemi pas bashkëpunim me ekipet e KEDS-it dhe jena marrë vesh shumë lehtë me ta. E falënderoj KEDS-in për këta të mira që na i ka bë në fshat”, thotë ai.

Gjatë punimeve në fshat KEDS ka shtrirë mbi 8.000m kabllo të tensionit të ulët dhe ka vendosur 2 transformatorë dhe 94 ormana.

Gjithashtu ka rritur kapacitetin e trafos ekzistuese në 400 kvA dhe ka shtrirë një rrjet me gjatësi afër 4,500.00m . I gjithë ky investim kap shifrën e afër 100.000 eurove.

Investimet e fuqishme nga KEDS po bëjnë që rrjeti të modernizohet dhe të ofrojë shërbime shumë të sigurta dhe më kualitative për konsumatorët e kësaj ane, njëjtë sikurse edhe në tërë territorin e vendit.