Maqedoni e Veriut: Investimet në energjetikë ndër të parat nga investimet e huaja direkte të Qeverisë së re

June 12, 2024

Në fjalimin e tij në Forumin Energjetikë të Maqedonisë, lideri i VMRO-DPMNE-së Hristijan Mickoski deklaroi se investimet e huaja direkte të Qeverisë së re do të jenë në Energjetikë.

“Kur bëhet fjalë për tranzicionin energjetik, duhet të kemi parasysh se ky tranzicion është kompleks dhe mjaft i kushtueshëm. Sa herë që realiteti fiket atëherë ne bëjmë gabime, për fat të keq cili është realiteti në të vërtetë, vendi ynë është një vend i varfër dhe pyetja e vërtetë këtu është nëse Maqedonia mund të përballojë një tranzicion të tillë energjetik në një periudhë kaq të shkurtër, pa marrë mbështetje nga jashtë? A kemi ne kapacitetin njerëzor për një tranzicion të tillë dhe a mund ta përballojë sistemi ynë një tranzicion të tillë? Kur flas për ndikimin social të tranzicionit energjetik, po flas për të ardhmen e njerëzve që tashmë janë të angazhuar në objektet tona me qymyr, që prodhojnë energji elektrike. Këtu nuk duhet anashkaluar fakti që më shumë se 4000 familje varen nga prodhimi i energjisë elektrike nga termocentralet, termocentrali në Manastir dhe Oslomej”, tha Mickoski.

Ai shtoi se është e lehtë të flasësh për atë tranzicion, por nuk është aq e lehtë të flitet për jetë njerëzish.

“Sepse nëse ato objekte prodhuese mbyllen, ne fillimisht do të humbasim prodhimin primar që është shumë i rëndësishëm për sistemin tonë dhe do të përballemi me një sfidë të madhe të krizës energjetike siç ishte disa vite më parë, sepse pa prodhim primar kërkesa do të rritet, ndërsa me burime të rinovueshme, unë jam inxhinier dhe nuk jam i bindur se në 365 ditë mund të kemi një furnizim të qëndrueshëm me energji elektrike nga burimet e rinovueshme. Këtu nuk po flas vetëm për amviseritë por edhe për ekonominë sepse ana e kërkesës së ekonomisë është e rëndësishme pasi ne duhet të kemi një furnizim stabil dhe të qëndrueshëm me energji elektrike nëse duam që ajo ekonomi të rritet, përndryshe do të ktheheshim prapa dhe do të përballeshim me ikjen e trurit si kjo që po ndodh tani, 8 nga 10 studentët e mi largohen sepse nuk shohin asnjë perspektivë këtu dhe kjo është një sfidë e madhe për ne si Qeveri që të realizojmë diçka materiale dhe të prekshme, përndryshe do të shkonim në drejtim të kundërt dhe mbrapsht dhe fatkeqësisht nuk do të ketë shpresë”, thotë kreu u VMRO-DPMNE-së Hristijan Mickoski.

Ai theksoi se me një plan të mirë dhe mbikëqyrje të mirë në objektet energjetike do të mund të përfundojë kjo procedurë.

“Ne si sektor i elektro energjetikës nuk jemi të gatshëm, por me një plan të mirë dhe me një mbikëqyrje të mirë të objekteve të elektro energjisë, kjo procedurë do të mund të përfundojë me sukses, por do të nevojitet kohë. Në bursën energjetike, rezultatet e shpejta nuk janë të mundshme, sepse kjo do të ishte një mrekulli, por ne nuk bëjmë mrekulli, askush në botë nuk bën mrekulli, kështu që duhet të kemi parasysh realitetin dhe duhet të punojmë në bazë të planeve të sakta më specifikime konkrete”, tha Mickoski.

Mickoski tha se në fokus duhet të jetë prodhimi i energjisë elektrike nga burimet e ripërtëritshme.

“Prodhimi i energjisë elektrike nga burimet e rinovueshme duhet të jetë në fokusin tonë, por hap pas hapi, sepse rezultate të shpejta nuk janë të mundshme. Duhet kohë dhe këtë duhet ta kemi parasysh, përndryshe nuk do të kemi sukses”, tha Mickoski.

Ai paralajmëroi ekskluzivisht investimin e parë të huaj direkt, i cili do të jetë në fushën e energjetikës.

“Me qeverinë e re presim investimet e para të huaja direkte në vend, do të shpallen me Qeverinë e re dhe me fokus në sektorin energjetik në instalimin e një parku të ri me erë që do të jetë në pjesën lindore të vendit ndërmjet Karbincit, Shtipit dhe Radovishi, tri komuna në lindje dhe do të jetë një investim i madh për aq sa jam i informuar dhe me të dhënat që kam për momentin, prodhimi i energjisë elektrike parashikohet të jetë afërsisht një teravat orë që është një milion megavat orë, që është përafërsisht 20% e prodhimit të përgjithshëm të energjisë elektrike në vend dhe ky do të jetë investimi i parë direkt i huaj që do të shpallë qeveria e re në Maqedoni”, tha Mickoski.

Mickoski vazhdoi dhe theksoi se nuk ka zhvillim pa sundim të ligjit.

“Pa shtet ligjor nuk ka zhvillim. Është shtylla e parë, nëse shmanget sundimi i ligjit nuk do të ishte i mundur zhvillimi i vendit, prandaj nuk mund të ketë standarde të dyfishta”, përfundoi Mickoski.