Gjenerim i energjisë elektrike përmesë kripës – Japonia ka inaguruar centralin e parë
September 11, 2025
Centrali që shfrytëzon procesin natyror të osmozës në Fukuoka të Japonisë ka filluar të operoj që nga gushti, i pari i llojit të tij në Japoni.
I operuar nga Agjencia e Ujësjellësit të Distriktit Fukuoka, ky është vetëm impianti i dytë komercial i tillë në botë. Impianti i parë është realizuar nga firma daneze SaltPower në vitin 2023, në Mariager në Danimarkë.
Agjencia vlerëson se impianti do të gjenerojë 880,000kWh në vit. Energjia elektrike do të përdoret për të furnizuar me energji një impiant lokal të desalinizim, duke siguruar një burim të qëndrueshëm energjie për furnizit me ujë të pijshëm në rajon.
“Ky është një burim energjie i rinovueshëm i gjeneratës së ardhshme që nuk ndikohet nga moti ose koha e ditës dhe nuk lëshon dioksid karboni”, janë deklaruar nga Agjencia e Ujësjellësit të Distriktit Fukuoka.
Si funksionon një central osmotik?
Impianti përdor ndryshimin e kripësisë midis ujit të ëmbël dhe të kripur për të gjeneruar energji. Ky ndryshim bën që uji të lëvizë nëpër një membranë gjysmë të përshkueshme nga uji i ëmbël në ujë të kripur, duke balancuar përqendrimin në të dyja anët.
Energjia elektrike prodhohet duke përdorur një membranë të përshkueshme për të ndarë ujin e detit nga uji i ëmbël i trajtuar me burim nga një strukturë lokale për trajtimin e ujërave të zeza. Membrana lejon vetëm molekulat e ujit të kalojnë nëpër të.
Presioni i krijuar ndërsa uji i ëmbël lëviz nëpër membranë drejt anës së ujit të kripur rrotullon një turbinë, e cila nga ana tjetër fuqizon një gjenerator për të prodhuar energji elektrike.
Sipas Akihiko Tanioka, një ekspert në këtë fushë, ky zbatim i suksesshëm është një arritje e madhe. Ai shpreson se do të replikohet globalisht.
Përveç dy termocentraleve osmotike në Japoni dhe Danimarkë, projekte dhe prototipe po zbatohen në Norvegji, Korenë e Jugut, Australi, Spanjë dhe Katar, sipas një raporti nga Guardian.
