Bosna dhe Hercegovina largon kërkesën për leje energjetike për projekte nën 1 megavat

July 16, 2024

Federata e Bosnes dhe Hercegovinës ka miratuar rregulla të reja për lejet energjetike.

Sipas rregullave të reja, projektet me kapacitet më të ulët se 1 megavat nuk do të kenë nevojë për leje energjetike, ndërsa rregulla tjera aplikohen për projekte të hidrocentraleve.

Rregullat e reja përcaktojnë kriteret për dhënien e lejeve energjetike, përmbajtjen e aplikimit, procedurën për dhënien e lejeve, përmbajtjen e tyre, si dhe rregullat për menaxhimin e regjistrit të lejeve energjetike, kanë thënë nga Ministria e Energjisë, Minierave dhe Industrisë.

Federata e Bosnes dhe Hercegovinës është një nga dy entitetet që formojnë Bosnen dhe Hercegovinën. Pjesa tjetër autonome quhet Republika Srpska.

Rregullat mbulojnë edhe cështjet që ndërlidhen me rindërtimin e impianteve ekzistuese të diellit. Ato kanë hyrë në fuqi më 6 korrik.

Sipas rregullave të reja, nuk do të ketë nevojë për leje energjetike për projektet me kapacitet të instaluar nën 1 megavat, por gjithashtu nuk do të lëshohen leje energjetike për ndërtimin e projekteve të hidrocentraleve me kapacitet më të vogël se 10 megavat.

Sipas rregullave, Ministria e Energjisë, Minierave dhe Industrisë e Federatës do të vendosë për aplikimet për leje energjetike sipas procedurës.