Sekretariati i Komunitetit të Energjisë kompleton vlerësimin e parë të emetimeve të metanit nga operacionet e rrjetit të gazit nga Palët Kontraktuese
05 Maj, 2021
Sekretariati i Komunitetit të Energjisë ka publikuar rezultatet e vlerësimive të para të emetimeve të metanit nga sistemet e transmisionit dhe të shëprndarjes së operacioneve të gazit brenda Palëve Kontraktuese të Komunitetit të Energjisë.
Duke marrë parasysh që metani përbënë gazin e dytë më të fuqishëm të gazrave serrë, Sekretariati ka theksuar se potenciali i lartë për të ulur emetimet e metanit është duke u shqyrtuar gjithnjë e më shumë.
Ndërsa ka shtuar se vendosja e mekanizmave efektive të monitorimit dhe raportimit është një parakusht për çfarëdo veprimi konkret për të ulur emetimet e metanit të sektorit në të ardhmen.
Në njoftim është nënvizuar se sipas të dhënave të cilat mbulojnë 93% dhe 71% të totalit të rrjetit, respektivisht transmisionit dhe shpërndarjes së gazit, në territorin e Palëve Kontraktuese të Komunitetit të Energjisë, studimi ka theksuar se emetimet e vlerësuara të metanit në Komunitetin e Energjisë kanë arritur përafërsisht 200kt në 2019, duke përfaqësuar 0,3% të emetimeve botërore të metanit nga industria e gazit dhe naftës.
Tutje, Sekretariati ka theksuar se përgjatë 2021 do të lansoj një projekt përcjellës për të mbledhur emetimet e metani për vitin 2020, ndërsa ka bërë të ditur se do të hap një diskutim për të përcaktuar objektivat në nivele të kompanive. Fushëveprimi i projektit do të zgjerohet përgjatë gjithë sektori të energjisë të Komunitetit të Energjisë.