Rumania do të përfitojë më shumë se 480 milion euro nga BE për projekte të energjisë solare

28 Qershor, 2022

Rumania do të përfitojë më shumë se 480 milion euro nga BE për zhvillim të projekteve për gjenerim të energjisë elektrike nga energjia solare në vendet e mbetjeve minerare.

Raundi i fundit i çmimeve të Fondit të Modernizimit përfshinte mbështetjen për tetë zona solare të lidhura me minierat në vend.

Qyteti i Rovinarit, ku është i vendosur një termocentral 1,320 MË me qymyr që po përditësohet me një kapacitet tjetër gjenerues prej 500 MË, do të marrë një total prej pothuajse 285 milionë eurosh për katër hapësira ku do të zhvillohen projekte fotovoltaike në grumbujt e mbetjeve minerare dhe një depozitë hiri dhe skorje.

Hapësira të ngjashme do të financohen në Pinoasa, Bohorelu-Jilt, Isalnita, dhe Turceni, në një raund të shpërblimeve të deklaruara nga Komisioni Evropian këtë javë.

Fondi i Modernizimit synon të ndihmojë vendet anëtare të BE-së të varura nga qymyri, Bullgarinë, Kroacinë, Çekinë, Estoninë, Hungarinë, Letoninë, Lituaninë, Poloninë, Rumaninë dhe Sllovakinë me tranzicionin energjetik.

Ndryshe, Rumania siguroi gjithashtu 10.5 milionë euro nga 2.4 miliardë euro totale të disbursuara në raundin e fundit të financimit për përmirësimet e rrjetit inteligjent në sistemin e transmetimit për një central bërthamor dhe lokacionet e burimeve të rinovueshme në Dobrogea, shkruan PV.