Rikyçet largpërçuesi Rugova, konsumatorëve u kthehet furnizimi me energji elektrike
24 Janar, 2023
Prishja në Largpërçuesin Rugova që la pa energji konsumatorët në Rugovë, është gjetur dhe është sanuar tashmë, ka njoftuar KEDS-i.
“Kjo është arritur falë një angazhimi të pashoq të ekipeve tona që ishin vazhdimisht bjeshkëve të Rugovës, duke e sfiduar borën dhe terrenin e vështirë, vetëm e vetëm që konsumatorëve t’u rikthehet energjia elektrike”.
“Tashmë, shumica e rugovasve janë duke u furnizuar. Ka mbetur vetëm një pjesë e vogël e konsumatorëve, porse ekipet e KEDS-it akoma janë në terren në Rugovë dhe gjatë ditës së sotme pritet që edhe atyre t’u rikthehet furnizimi i rregullt me energji elektrike”, ka njoftuar KEDS-i.