Kriza globale, Balluku thirrje për kursim të energjisë elektrike
18 Gusht, 2022
Në kushtet e një krize energjie botërore, zëvendëskryeministrja Belinda Balluku, njëherësh ministre e Infrastrukturës dhe Energjisë, apeloi qytetarët për kursimin e energjisë elektrike.
Me anë të një postimi në rrjetet sociale, Balluku u bën thirrje qytetarëve që të shmangin ndriçimin e panevojshëm kur nuk janë në shtëpi, shkruan ATA.
“Kursimi i energjisë elektrike në ditët e sotme, në kushtet e një krize botërore, është detyrë për çdo qytetar. Përpara se të dilni nga shtëpia, sigurohuni që të gjitha dritat të jenë të fikura. Shmangni ndriçimin e panevojshëm kur nuk jeni në shtëpi”, shkruan Balluku.
Më herët, në fund të muajit korrik, ishte kryeministri Edi Rama, i cili foli për krizën energjetike me të cilën po përballet e gjithë bota.
Rama tha se do të jetë e vështirë për vendin tonë që të gjejë sasinë e nevojshme për të përballuar të gjitha nevojat, ndërsa shpreh se çmimi ka shkuar në “stratosferë”.
//AgjenciaTelegrafikeShqiptare