Hidrodrini: 25 milionë euro për ndërtimin e impiantit të ujërave të ndotura në Pejë
07 Gusht, 2020
Ndërtimi i impiantit të ujërave të ndotura dhe kolektorit kryesor në Pejë po vazhdon, madje me dinamikë më të shtuar, informon kompania rajonale te ujësjellësit ‘Hidrodrini’.
‘Ndërtimi i impiantit të ujërave të ndotura në Pejë është ndër projektet më kapitale për qytetin e Pejës. Me këtë projekt do të sigurohet që ujërat e ndotura sanitare të grumbullohen dhe të trajtohen në impiant’, thuhet në njoftim.
25 milion euro do të investohen në projektin e impiantit të ujërave të ndotura dhe kolektorit në Pejë, njëherit edhe ndër projektet më kapitale për qytetin e Pejës.
‘Me këtë projekt do të sigurohet që ujërat e ndotura sanitare të grumbullohen dhe të trajtohen në impiant’, thuhet në njoftimin e ndërmarrjes Hidrodrini.
Projekti pritet të përmirësoj dukshëm ambientin për qytetin e Pejës duke ndikuar pozitivisht në përmirësimin e ujërave nëntokësorë të Pejës, në pastërtinë e lumit dhe qytetit në përgjithësi.
Projekti është bashkë-financim nga qeveria Gjermane nëpërmjet Bankës për Zhvillim (KFW) Sekretariati Shtetëror Zviceran për Çështjet Ekonomike (SECO) dhe qeverisë së Kosovës.
