Greqia, kriza energjetike: qymyri është një mundësi për të përballuar krizën
29 Nëntor, 2022
Kërcënimi i Rusisë për të ndërprerë furnizimin me gaz në Bashkimin Evropian ka bërë që disa vende të përdorin masa që mund të minojnë angazhimet e tyre për të luftuar ndryshimet klimatike dhe për të mbrojtur mjedisin.
Një vend i tillë është Greqia, e cila ka rritur ndjeshëm aktivitetin e saj të minierave të qymyrit.
Përballë kësaj situate dhe përballë mundësisë që Putini të ndërpresë plotësisht flukset e gazit natyror në Evropë dhe Greqi, Greqia ka marrë disa masa.
“Së pari, Greqia ka dyfishuar kapacitetin e terminalit të gazit natyror të lëngshëm në Revythoussa. Tashmë është ngritur një rezervuar i ri lundrues dhe do të jetë në funksion nga fundi i korrikut, ndaj ne po dyfishojmë kapacitetin dhe mund të marrim dy transportues LNG në të njëjtën kohë”, shpjegoi Kostas Skrekas, Ministër Grek për Mjedisin dhe Energjinë.
“Së dyti, fabrikat tona të qymyrit kanë rritur minierat për të siguruar që ato të kenë një sasi të kënaqshme. Këta elementë, së bashku me diskutimin që po bëjmë me qeverinë italiane për ruajtjen e rezervave strategjike të gazit tonë, po krijojnë siguri për furnizimin e vendit në dimër”, shtoi Skrekas.
E përballur me krizën energjetike, Greqia po përshpejton bashkëpunimin rajonal për të siguruar furnizimin, siç është ndërlidhja Greqi-Bullgari, e inauguruar disa ditë më parë.
Athina gjithashtu mbështet blerjet e përbashkëta europiane të gazit natyror, siç rithekson Skrekas: ”Në këtë moment në Europë po diskutojmë diçka që Greqia e mbështet fuqishëm: vazhdimin e blerjeve të përbashkëta të gazit natyror. Greqia tashmë merr pjesë në platformën e Europës Juglindore, me Rumaninë, Bullgarinë dhe vende të tjera fqinje, për të rritur fuqinë tonë negociuese dhe blerëse. Ne duhet të bëjmë blerje të përbashkëta për të marrë çmime më të mira për gazin natyror dhe, natyrisht, për ta gjetur atë, për të pasur akses në të”.
