Gjermania planifikon më shumë masa për të përshpejtuar projektet solare dhe të erës

27 Janar, 2023

Qeveria gjermane është duke përgatitur një numër masash të reja për të përshpejtuar vendosjen e burimeve të ripërtëritshme të energjisë në gjithë vendin, me qëllim të arritjes së caqeve që ka përcaktuar për ndryshimet klimatike.

Këtë të enjte, ministri gjerman i energjisë, Robert Habeck ka thënë se ky vend së shpejti do të shpërfaqë masat e reja dhe pakot për burimet solare dhe ato të erës.

Këto masa kanë për qëllim të largojnë procedurat burokratike dhe të përshpejtojnë procesin e miratimit të projekteve të burimeve të ripërtëritshme, ka thënë Habeck.

Në fjalimin e tij, Habeck tha se këtë vit Gjermania do të jetë e përkushtuar në rritjen e industrisë së hidrogjenit, duke filluar nga çështjet rregullative e deri të infrastruktura dhe prodhimi.

Në fund, Habeck tha se në tre muajt në vijim, Gjermania do të trajtojë sigurimin e çmimeve konkurruese të energjisë elektrike nga burime të ripërtëritshme për klientët industrial.